Barnaland Nínu Þorbjargar

 
Þingholtin eru æðisleg á sunnudagsmorgnum. Það er algjör kyrrð í loftinu, það sjást varla bílar og hvað þá fólk. Maður á stemninguna bara einn með öllum gömlu húsunum og görðunum og ekki er verra þegar sólin skín eins og í dag. Útlendingarnir eru reyndar á góðu skriði á Laugaveginum í vindjökkunum sínum og göngubuxunum (sem hægt er að breyta í stuttbuxur með því að renna þar til gerðum rennilás). Nína Þorbjörg vekur alltaf lukku hjá útlendingunum, sérstaklega Þjóðverjum því menn þar í landi eru víst almennt hættir að eignast börn. Varð bara að miðla þessu með sunnudagsstemninguna...hef búið í nokkur ár í miðbænum og aldrei upplifað hana fyrr, enda vön að vera sofandi á þessum tíma.
Hömmm...síðan eyddum við Árni Grímur geitungabúinu á meðfylgjandi mynd, alveg ein. Reyndar er þetta augljóslega bú sem rúmar max 2 flugur, en við erum samt frekar sátt við eigið hugrekki. Og, fyrir þá sem fylgjast sérstaklega lítið með, þá er ég orðin 29 ára. Þannig að fólk þarf að fara að hugsa um að hlusta á það sem ég segi og hlíða því...