|
| |
| |
|
 |
Poodle
Standard.
Lýsing
Virkur, sprækur, mjög árvakur og greindur. Púðlinn er
vinalegur, tryggð hans er goðsögn, en hann getur verið
ráðríkur. Mjög aðlögunarhæfur, mannblendinn og
góðlyndur. Púðlar eru frábærir félagar, mjög greindir,
auðveldir og skemmtilegir í þjálfun. Í dag aðalega
félagi, en hefur en svolitla veiðigetu eins og forfeður
hans, hann er nokkuð góður sundhundur með mjög gott
lyktarskyn. Ef Púðli fær ekki ákveðna þjálfun, getur
hann verið erfiður. Hann þolir vel bæði heita og kalda
veðráttu. Púðlinn er yfirleitt barngóður hundur. Til eru
fjögur viðurkennd afbrigði af púðla.
Uppruni
Tegundin hét upprunalega Caniche, sem þýðir Andarhundur.
Púðli var eitt sinn veiðihundur, komin af Barbet frá
Suður Afríku og var líklega seinna blandað við
Portúgalska Vatnahundinn. Til eru 4 afbrigði af Púðlum,
flokkaðir eftir stærð. Litlu Púðlarnir eru minni
afbrigði af Stóra Púðla. Litli Púðli, sem er örlítið
stærri en gælu Púðli var eitt sinn vinsæll fjölleikahús
hundur. Púðlinn festi rótum í Frakklandi og var það
skráð sem upprunaland hans. Árið 1936 var ræktunarmiðið
viðurkennt. Tegundin varð einstaklega vinsæl á milli
1950 – 1960, en þá var hugsað meira um magn en gæði og
ýmis vandamál komu upp í tegundinni, þannig að vanda
verður vel valið á ræktanda.
Umhirða
Bursta þarf Púðla daglega, baða þarf hann reglulega og
klippa klær eftir þörfum. Fara þarf með þá til fagnyrtis
á u.þ.b. 2 mánaða fresti. Það eru til margskonar
klippingar á Púðlum t.d. Ljónaklippingin, ræktunar
klippingin (þá er hárið klippt í sömu lengd, um allan
líkamann), Enska hnakkklippingin (með armbönd um
fæturna), og hvolpaklippingin (meginlandsklipping með
buxum), og lambaklipping (nokkuð stuttur með lengri hár
á fótum, höfði og skotti). Eyrun ætti að skoða
reglulega. Púðlar fara ekki úr hárum, og eru hentugir
fyrir fólk með ofnæmi.
Hreyfing
Hann hefur gaman af göngutúrum og þarf daglega
meðallanga hreyfingu. Honum líkar ekki að vera skilinn
einn eftir.
Staðreyndir
Upprunaland: Frakkland
Upprunatími: 1500
Fyrstu not: Vatnasækir, félagi.
Í dag: Félagi
Lífsskeið: 11-15 ár
Önnur nöfn: Poodle, Caniche
Hæð á herðakamb
Stóri Púðli 45 - 60 sm.
Meðalstóri Púðli 35 - 45 sm.
Litli Púðli 28 - 35 sm.
Gælupúðli, minni en 28 sm.
Þyngd
Stóri Púðli u.þ.b. 22 kg.
Meðalstóri Púðli u.þ.b. 12 kg.
Litli Púðli u.þ.b. 7 kg.
Gælupúðli, minni en 7 kg.
Heimild: www.hvuttar.net
|
|
|
|
|
|
| |
|
|
Copyright © 2003-2007 Company name.com. All rights reserved