|
| |
| |
|
 |
Pug.
Lýsing
Pug er ljúfur, ástúðlegur, fjörugur og töfrandi hundur.
Hann er nokkuð erfiður í þjálfun, og ætti hún að byrja
snemma. Honum semur vel við aðra hunda og dýr, en sumir
Pug eru ekki miklir barnahundar. Pug þarf mikla athygli
og verður afbrigðissamur ef eigandinn hunsar hann. Hann
geltir sjaldan og er ekki heppilegur varðhundur.
Ofsalega fjörugur og skemmtilegur hundur, fullur af
karakter og sjarma með skemmtilegt lítið andlit. Pug
þolir illa heita veðráttu. Hann er góðlyndur en getur
verið tortryggur og viðkvæmur.
Uppruni
Mjög forn tegund, talin vera upprunalega frá Kína. Pug
var minnkaður niður frá stærri Mastiff hundum fyrir
minnst 2.400 árum síðan. Forfeður Pug voru eitt sinn
gæludýr Búddapresta. Hann barst fyrst til Hollands í
kringum 1600 og var þróaður frekar í Bretlandi á 17 öld.
Þessir hundar urðu síðan vinsælir sem gæluhundar kónga
og mikilmanna. Fyrsta kona Napoleons átti Pug sem
félaga. Pug er nefndur svo, eftir stutta trýninu. í
Þýskalandi og víðar er hann þekktur sem ,,Mops,” og í
Frakklandi sem ,,Carlin” eftir Ítalska leikaranum Carlo
sem var með svarta grímu þegar hann lék trúð.
Umhirða
Augun eru viðkvæm fyrir ryki og óhreinindum og þarf að
fylgjast vel með þeim og hreinsa vel, eins með
fellingarnar í andlitinu. Bursta þarf yfir hann
reglulega með mjúkum bursta. Pug fer nokkuð mikið úr
hárum.
Hreyfing
Pug þarf ekki mikla hreyfingu, hann getur þrifist á
stuttum göngutúrum, því hann er ekki sporthundur. Það má
ekki ofkeyra hann, sérstaklega ekki í heitu veðri.
Leyfilegir litir
Apríkósulitaður með svarta grímu, ljósgulbrúnn með
svarta grímu, silfur, eða einlitur svartur. Trýnið og
eyrun eiga alltaf að vera svört. Ef hundurinn er ljós á
litinn getur leigið dökkur áll eftir bakinu, svartir
blettir eru á hvorri kinn.
Staðreyndir
Upprunaland: Kína
Heimaland: Bretland
Upprunartími: Fornöld
Fyrstu not: Félagi
Í dag: Félagi
Lífsskeið: 9-12 ár
Önnur nöfn: Mops, Carlin.
Hæð á herðakamb
U.þ.b. 30 sm.
Þyngd
6.3 - 8.1 kg.
Heimild: www.hvuttar.net
|
|
|
|
|
|
| |
|
|
Copyright © 2003-2007 Company name.com. All rights reserved