Dog Trainer

Ég er svo
sniðugur

West Highland White Terrier.

Lýsing
Hvítur West Higland Terrier, kallaður Westie, varð heimsþekktur ásamt Skoska Terrier, vegna mynd af þeim sem prýðir frækt skoskt Wisky. Westie er blíður og fallegur og á það stórann þátt í vinsældum hans. Hann er lífsglaður og vinalegur og með mikla kímnigáfu. Westie er yfirleitt góður með börnum og skemmtilegur fjölskylduhundur, sem þolir vel bæði heita og kalda veðráttu. Westie er sjálfstæður, hugrakkur og þrjóskur hundur sem hefur sterkan persónuleika og Terrier eðli. Hann er ágætis varðhundur sem lætur vita ef ókunnugir nálgast húsið.

Uppruni
Nafnið segir í raun mikið um uppruna hans, hvítur Terrier frá vestur hálendi Skotlands. Refaveiðimenn fyrri alda lóguðu öllum hvítum hvolpum sem fæddust þegar þeir voru að fullrækta tegundina fyrir nokkuð hundruð árum. Ástæðan var sá misskilningur að þeir væru ekki eins kjarkmiklir og hundar í öðrum lit. Malcolm fjölskyldan í Poltalloch var ekki á sömu skoðun og safnaði saman öllum hvítum hvolpum sem fæddust og tók að rækta undan þeim. Eftir nokkur ár voru farnir að fæðast aðeins hvítir hvolpar sem urðu vel þekktir sem fyrsta flokks veiðihundar. Hvítur West Higland Terrier var notaður sem refa og greifingjaveiðari. Talið er að tegundin sé komin af Cairn Terrier. Breski West Highland White Terrier Klúbburinn var stofnaður árið 1905 og tegundin var viðurkennd 1909.

Umhirða
Bursta þarf yfir feldinn reglulega. Westie er reyttur sérstaklega til að viðhalda strýhærða feldinum. Klær eru klipptar eftir þörfum.

Hreyfing
Hann getur labbað ansi langt með eigandanum án þess að þreytast. Westie þarf helst nokkuð langar, daglegar gönguferðir.

Leyfilegir litir
Hvítur.

Staðreyndir

Upprunaland: Bretland (Skotland)
Upprunatími: 1800
Fyrstu not: Meindýraveiðari
Í dag: Félagi
Lífsskeið: 14 ár
Önnur nöfn: West Higland White Terrier, Westie

Hæð á herðakamb
28 sm.

Þyngd
6 - 8 kg.

Heimild: www.hvuttar.net

Heim  ::  Þjálfun  ::  Hundaþjálfarar  ::  Dýralæknar  ::  Myndasafn  ::  Fróðleikur