Dog Trainer

Ég er svo
sniðugur

Yorkshire Terrier.

Lýsing
Fjörugur, orkumikill, og hvatvís hundur. Úthald, hugrekki og ákveðni eru aðalsmerki þessa litla hundakyns. Yorkshire Terrier er tryggur, greindur og hugaður, og mundi jafnvel ekki hika við að ráðast á annan hund, mun stærri en hann. Yorkinn er vökull, greindarlegur og rólegur lítill Terrier, með fjörugt jafnaðargeð. Ákveðin þjálfun er nauðsinleg. Yorkinn er einn vinsælasti smáhundur heims í dag tilvalin félagi og fjölskylduhundur, sem nýtur að vera með fjölskyldunni.

Uppruni
Hann var ræktaður í Yorkshire á Englandi í byrjun 19 aldar. Uppruni hans er óljós, en talið er að hann eigi rætur að rekja til Clydesdale Terrier, Sky Terrier og að silkifeldurinn komi frá Maltese. Einnig er líklegt að Broken Haired Terrier, lítið hundakyn sem var vinsæll hjá verkamönnum, hafi komið við sögu í ræktuninni. Allt voru þetta góðir rottuveiðarar og þeim eiginleika hélt Yorkinn. Hann varð vinsæll hjá ullargerðarmönnum í Yorkshire, sem notuðu hann til rottuveiða í verksmiðjunum, en á seinni hluta 19. aldar komst hann í tísku meðal efnaðs fólks sem gæludýr og varð Yorkinn þá vinsæll heimilishundur sem aðallinn féll fyrir.

Umhirða
Bursta þarf feldinn daglega og baða þarf þá reglulega, en ef hundurinn á að verða sýningarhundur þarf að pakka feldinum upp, því annars nær hann ekki að verða gólfsíður, sem hann þarf að vera. Baða þarf hann vikulega og greiða þarf honum daglega og endurpakka. Fylgjast þarf með tönnum vegna tannsteinsmyndunar.

Hreyfing
Yorkshire Terrier þarf meðalmikla hreyfingu. Hann þolir íbúðarlíf vel.

Leyfilegir litir
Dökk stálblár (ekki silfur blár), nær frá hnakkakúlu að enda rófu, aldrei blandaður með gulbrúnu, brons eða svörtu hári. Ríkulegur feldur skær-gullinn á bringu. Öll gyllt hár eiga að vera dekkri við rót en við miðbik og lýsast að hárendum.

Staðreyndir

Upprunaland: Bretland
Upprunartími: 1800
Fyrstu not: Rottuveiðari
Í dag: Félagi
Lífsskeið: 12-14 ár

Hæð á herðakamb
U.þ.b. 20 sm.

Þyngd
Upp í 3.1 kg.
Heimild: www.hvuttar.net

Heim  ::  Þjálfun  ::  Hundaþjálfarar  ::  Dýralæknar  ::  Myndasafn  ::  Fróðleikur